ابڙو اڪيڊمي Abro Academy
2020-07-22
داخلا نمبر 608
عنوان ٽِيٽو ننڍو
شاخ پکي
پڙهيو ويو 399
داخلا جو حوالو:
ٽِيٽو ننڍو
ٽِيٽو ننڍو
15 سينٽِي ميٽر جسامت جو هي ننڍڙو ٽيٽو لڳ ڀڳ ننڍي ڳاني ٽيٽي جهڙو ئي آهي پر ٻه فرق نمايان آهن، هڪ ته هن کي ڳانو نه آهي. ٻيو ته هن جي مٿي تي ڪاري ليڪ ته آهي پر مٿي جو رنگ هلڪو اکروٽي ٿئي ٿو. اکين کان ڪياڙيءَ تائين ڪجل وانگر ڪارو پٽو به ٿئي ٿو، جيڪو ماديءَ کي نٿو ٿئي. ان جي پٺي پٿريلي ناسي ۽ هيٺيون پيٽ وارو حصو اڇو ٿئي ٿو. هي پکي سياري ۾ گهڻو ڏسبو آهي، ٻين ٽيٽن سان به ڏسبو آهي. تمام ڦڙت آهي. ٽنگون ننڍيون اٿس پر گپ ۾ به تکو آهي ان جي ٻولي چٽِي، ٻِٽي ۽ تکي آهي.